„Maškaranu bojanka“

Maškaradina “Maškarana bojanka” uveselila mališane iz Tivta

Nevladino udruženje Maškarada iz Tivta danas je u velikom điru. Obilaze vaspitno-obrazovne ustanove, kako bi najmlađe sugrađane uveselili maškaranom posjetom i poklonili im „Maškaranu bojanku,“ publikaciju koja će ih na prijemčljiv način privući tradiciji maškaranja.
Nevladino udruženje Maškarada iz Tivta danas je u velikom điru. Obilaze vaspitno-obrazovne ustanove, kako bi najmlađe sugrađane uveselili maškaranom posjetom i poklonili im „Maškaranu bojanku,“ publikaciju koja će ih na prijemčljiv način privući tradiciji maškaranja.


Foto: Radio Tivat

Krenuli su iz Radovića, gdje ih je s velikom radošću dočekalo pedesetak mališana, štićenika tamošnje vaspitne jedinice vrtića Bambi i učenika nižih razreda OŠ Branko Brinić. Sljedeća stanica bila im je centralni vrtić.

Preko 200 mališana u društvu vaspitača i Uprave JPU Bambi, dočekalo je karavan Maškarade. Ekipa predvođena predsjednikom udruženja, Lazrom Božovićem, stigla je u izuzetno atraktivnim kostimima, segmentima grupnih maski iz fundusa društva, i donijela darove- edukativni materijal na temu tradicije maškaranja, priređen za najmlađu publiku. Na poklonu je zahvalila direktorka JPU Bambi, Jelena Perunović Samardžić, istakavši da je u pitanju izuzetno lijepa akcija koja na najbolji način kod najmlađih podstiče aktivnosti različitih dimenzija, a posebno kada je u pitanju ono što je u fokusu- buđenje i razvoj interesovanja z tradiciju maškaranja.

Lazar Božović nas je podsjetio da je Maškaradi edukacija zajednice jedan od prioriteta, a Maškarana bojanka druga publikacija koju su izdali nakon kataloga „Maska- inspiracija tivatskih slikara“ koji je pratio istoimenu humanitarnu izložbu.

„Ovom prilikom smo fokus stavili na djecu i milim da smo pogodili sa ovom aktivnošću. Sudeći po reakciji djece kada su vidjeli bojanku, koja je ujedno i slikovnica, vjerujem da smo uspjeli da im probudimo maštu iinspirisali ih da nastave sa maškaranjem u različitm prilikama, kakva je i tradicionalna aktivnost Jesenja svečanost. Važno je da napomenemo i to da su upravo mališani iz vrtića Bambi svojim učešćem dali put smisao i ton Međunarodnom karnevalu koji naše udruženje organizuje u Tivtu,“ poručio je Božović.

Bojanku je pripremio graficki dizajner Zvonimir Grabic, a autor je član maškarade, akademski slikar Zoran Kruta. S obzirom da je učestvovao u idejnim rješenjima i kreiranju svih grupnih maski udruženja, Zoran kaže da mu nije bilo teško da kostime ponovo vrati u crtež.

„Tu su i kratki tekstovi koji opisuju maske i karnevalske grupe, gdje će djeca uz pomoć roditelja i vspitača moći mnogo sa spoznaju i saznaju vzano za sam naziv pojedinih maski. Na kraju bojanke su različiti zadaci i igre koje će se, vjerjem, svidjet djeci,“ kaže za naš radio autor bojanke, Zora Kruta.

Maškarada se iz centra uputila sa bojankama u posjetu mališanima u vrtiću u Donjoj Lastvi, a za 16 sati zakazano je maškarano druženje sa učenicima nižih razreda OŠ Drago Milović.

Gosti su danas uputili poziv vrtiću Bambi da po treći put nastupi na Međunarodnom karnevalu u Tivtu, koji Maškarada organizuje 11.juna naredne godine.



Komentari

0 Komentara
Ugrađene povratne informacije
Pogledaj sve komentare


Pratite nas i putem iOS i Android aplikacije

Jadran Novi® 2022. All rights reserved. Made By


Adria Management Services

Home
Vijesti
Radio
Pretraga