Pokloni iz Tivta stižu za štićenike Dječijeg doma Bijela

„Akcija zvanično završava danas a sutra krećemo u deset sati, učenici i nastavnici naše škole. Tamo su nam naši drugari da tako kažem, jer smo već u komunikaciji 49 godina, pripremili program. Učenici su poklone već spakovali a kad nam stigne kombi krećemo za Bijelu“.

Tivatski srednjoškolci svoje drugare nisu zaboravili ni u vrijeme korone. Nisu ih posjećivali ali su poklone slali. Sutra će se, nakon dvije godine, ponovo družiti a imena sponzora zabilježena na poklonima, biće pročitana u toku svečanosti. Akcija je trajala dvadesetak dana kaže Čučković Vujnović:

„Uglavnom su to pokloni u vidu slatkiša, igračaka, školskog pribora, sportske garderobe. Većinom su to djeca starijih razreda osnovne škole, od petog do devetog razreda, i srednjoškolci. Puno se raduju, raduju se i naši učenici, tako da je to obostrano zadovoljstvo. Nadam se da će ova akcija trajati“, zaključila je direktorica SMŠ Mladost.

Organizatori te tradicionalne humanitarne akcije, zahvaljuju svima koji su i ovaj put pokazali spremnost i želju da pomognu onima kojima je pomoć potrebna. I mi se nadamo da će akcija trajati još dugo godina.