Uspješan početak godine za hotel Regent

„Brojni gosti iz regiona, ali i Njemačke, Rusije, Turske, Ukrajine i Kuvajta su odabrali da dočekaju 2023. godinu baš u marini Porto Montenegro i našem hotelu, te je poslednjeg dana stare godine u hotelu boravilo preko 250 gostiju. Praznična atmosfera se mogla osjetiti na svakom uglu, a lijepo vrijeme i brojni sadržaji u gradu su doprinijeli da užitak gostiju bude potpun,“ rekl je direktorica prodaje i marketinga Marija Delibašić.

Kada je u pitanju sama proslava Nove godine, gostima su ponuđena dva različita koncepta.

„U restoranu Murano upriličena je gala večera od pet gangova, praćena brojnim internacionalnim i domaćim hitovima u izvođenju Tine Džankić i benda. Sva mjesta su bila popunjena, te su, osim gostiju iz susjednih zemalja, bili prisutni i brojni gosti iz Njemačke, Rusije i Sjedinjenih Američkih Država“, naglasila je Delibašić navodeći da ej istovremeno u banket sali Teodo, u Novu godinu goste uvela mlada muzička zvijezda Džejla Ramović. Gosti su dominantno bili iz regiona. a zabava je trajala do jedan sat poslije ponoći.

Praznična sezona u hotelu se nastavlja svečanim ručkom od tri ganga sutra na pravoslavni Božić u Gourmet Corner-u, a već kreću i pripreme posebnih ponuda za Dan zaljubljenih, Dan žena i uskršnje praznike, najavial ej direktorica prodaje i marketinga hotela.